اليوم و إثر دخولي للمدونة و جدت أن المدونة وقع حذفها؟؟؟؟
الشيء الغريب انو آرابيكا كتبت العديد من المقالات في الفترة لخرة منها
البيان : 7 نوفمبر
أحمد مطر / السلّة : 7 نوفمبر
الأنونيم ...ماركه مسجّلة : 8 نوفمبر
أنا حاليا ما نعرفشي اشنوا السبب و لكني أنتظر في رد من أرابيكا ؟
تم تغيير عنوان التدوينة احترام لأرابيكا
9 قالوا فيها:
arabicca
a été tellement dégoutée par certains comportement de certains speciman qu'elle a preferée s'eclipser un peu
ayez un peu de respect pour la vie privé des gens et arrêtez un peu
votre discours alarmiste
pfffff
pathétique
on attend encore une reponse de Arabicca .. sans faire recours aux "porte paroles".....i
إلى غير معروف
أنا نحترم أرابيكا و ما العنوان إلا صيحة فزع حول فقدان مدونة عزيزة علينا الكل و ماهواش تدخل في حياتها الخاصة على فكرة حاولت نتصل بيها ما نجمتش, و اذا كانت آرابيكا فعلا هي الي قامت بالإنسحاب من التدوين فعلى الأقل نحبوا نفهموا علاش, فخط آرابيكا ممتاز و عندوا ميزاتوا و أنا نعتبر أرابيكا من أحسن المدونات الي نعرفها و نستمتع بقرائة كتاباتها.
و الشيء الي يسخف هو الحال الي أصبح عليه التدوين في تونس.
ثم من أنت بش تتحدث بلسانها هي و أنا على ما عهدت أرابيكا ما توكل حد باش يحكي في بلاصتها.
نعاودها نستنا في الرد متاع أرابيكا.
الصديق وقت الذيق، وإذا ما نسألوش على أصدقائنا حتى الإفتراضيين، على شكون باش نسألوا؟
فطومة العزيزة، عندها قيمتها في التدوين، وحسّيت من التدوينة الأخيرة متاعها إلّى الفيران امقلقينها.. عاد انقوللها، أرجعلنا بأي طريقة، و أحنا معاك باش حتا حد ما عاد يقلقك و يتدخلّك في حياتك الخاصة...
راهو يا فطومة فمّا فيران ما يحبوش المرأة الحرة، ما طالوش القانون، يحبوا يطيلوا الناس...
والله ما عدت نعرف آش انقول، غير ان شاء الله اتكون بصحة جيدة و هذا هو الأهم.
بالنسبة لكلام فطومة فيما يخص الفايس بوك راهو صحيح مية في المية، و كيف ما انقولوا: ماتدخّل لدارك كان القمح والشعير ، آما الفول يقربع.
الى النكرة ، الغير معرف
ياخي و انت شكون خوّلّك باش تحكي على لسانها
سواء القرار جا منها هيّ .. و الا كان خارج على ارادتها .. هاذاكه شأنها هي .. و انت شبيك كيما الشعرانه تتهومل من بلوغ لبلوغ و تتمجدق تقولش عليك اش باش يقول فمّي ...ـ
و شنيّه هالدور الماسط اللي قاعد تقوم بيه..و هالدقيق الزايد اللي قاعد تهزّ فيه...؟؟؟؟ـ
نحّي الماسك من على خليقتك .. ومن بعد نصّب روحك ناطق رسمي باسم اللي تحب
و ماذابينا تورّينا الفاطشه متاعك .. على الاقل خلينا نعرفوك من آنا فصيلة منحدر
الانونيم اللى يحكى باسمى
براس امك اتلهى في دبشك
هذا وقد قيل
انحب نشكرك خليّل على وقفتك ونتمنى انى نكون في مستوى انتظاراتكم الكل نتفكر انك من اول الناس اللى قراتلى وقت كنت ما نعرش شنوة معناها تدوين ربي يخليكم لي الكل وهانى جاية :)
أهلا أرابيكا
عودتك أثلحت صدري و الفرحة بعودتك غمرتنا أحنا معاك و ضد أي انتهاك للخصوصيات.
تبقى أرابيكا المدللة في المدونات التونسية
تحية لك و سنساندك الى النهاية.
إرسال تعليق